Panay Electric Company, may 15 ka adlaw para resolbahon ang 35 ka mga reklamo nga gin-file batuk sa kompaniya

Iloilo City — Nag file sang 35 ka mga complaint affidavits si Councilor Joshua Alim sa PECO agud resolbahon ang mga reklamo sa sulod sang 15 ka adlaw. Kun indi maresolba sang PECO, i-forward ni Alim ang mga reklamo sa Energy Regulatory Commission.

Kalabanan sa mga gina reklamo sang mga konsumidor ang erroneous billing, overbilling, sobra sa 3 ka metros ang kataason sang metrohan, indi pag deliver sang billing sa balay sang mga konsumidor, kag ang wala nareconnect nga mga kuryente sa sulod sang 24 ka oras pagkatapos nga nakabayad.

Suno kay Alim, madamo pa siya sang plano may kaangtanan sa accountabilities sang PECO pareho sang meter kag bill deposit nga wala pa na refund. Mahimo nga mapasakaan sang kaso nga estafa ang PECO kun indi nila ini pag ibalik sa pumuluyo. (JoMaque)