Klase sa June 5, dayon bisan may transport strike!

Iloilo City–Dayon ang pagbukas sang klase sa Hunyo 5 bisan pa may strike ang mga transport groups.

Gin-anunsyar ini sa pagsapol sang mga opisyal sang Department of Education 6 upod sa iban pa nga ahensya sang gobyerno sa syudad kaina sang aga. Suno kay DEPED 6 Director Ma. Gemma Ledesma, mangita sang paagi ang ahensya agud may masakyan ang mga estudyante kag manunudlo nga magabalik sa mga eskwelahan.

Madamo sang paagi suno sa iya agud may masakyan pareho sang libre sakay kag kalabanan sa mga eskwelahan ang malapit man lang sa balay sang mga estudyante. (AGB)