PULIS NGA GINREKLAMO SANG BALO NGA NAGPA-ORAL SEX SA IYA KAG NAMAHOG NGA PLANTEDAN SANG SHABU, IPAIDALUM SA PRE-CHARGE INVESTIGATION SANG NAPOLCOM 6

Iloilo City- Ipa-idalum sa pre-charge investigation ang reklamo batuk kay PO1 Marken Canillo nga gintudlo sang 32 anyos nga balo sa Jaro nga nagpwersa sa iya mag-oral sex sa pulis kag nagpahug pa sa iya kon indi pagsundon ang ginapahimo sa iya.

Ginkonfirmar ini ni National Police Commission ukon NAPOLCOM 6 Spokesperson Allen Camiring kasunod sang pagfile ni alyas Inday sang kaso administratibo nga grave misconduct batuk kay Canillo. Ideterminar sa pre-charge investigation kon may probable cause ang reklamo ni Inday kag kon mapamatud-an, ipasaka ang complaint sa summary proceedings.

Hatagan sang tsansa si PO1 Canillo nga magsabat sa reklamo kag magsumiter sang iya counter-affidavit agud ma-evaluate sang evaluator sang NAPOLCOM 6. Ginalauman ni Camiring nga madasig lang nga maresolbar ang kaso bangud sa ila ginasunod nga bag-o nga memorandum circular.

Dismissal sa serbisyo ang pinakamabug-at nga penalidad sa kaso nga grave misconduct kon mapatud-an nga guilty ang pulis.

(ATT)