26-anyos nga babaye, nagreklamo nga ginsakit sang iya 22-anyos nga karelasyon

Iloilo City–Nagreklamo ang 26-anyos nga babaye nga ginsakit sang iya 22-anyos nga karelasyon kaina sang kaagahon.

Suno kay alyas Apple, halin sila sa pagpamiesta sa San Antonio, Oton kag pauli na sang natabu ang pagsakit sa iya ni alyas Francis. Ginpahayag ni Apple nga nagbaisay sila ni Francis gani gintampa kag gintapungol siya sang nagpanaug sila sa jeep sa corner Ledesma-Mabini, City Proper.

Nabagrasan sa paa si Apple sang natumba samtang nagpalagyo si Francis.

Gintudlo naman sang babaye nga nagagamit sang shabu ang iya nobyo. Si Apple ang may duha ka bata samtang isa ka bulan pa lang ang ila relasyon ni Francis. (AGB)