Curfew, gin-implementar sa Maasin kasunod sang pag-atake sang NPA sa police station

Iloilo — Gin-implementar sang Police Regional Office 6 (PRO 6) ang curfew sa Maasin matapos gin-atake sang NPA ang police station sang Hunyo 19 sang aga.  Ginkonfirmar ni Mayor Mariano Malones nga nagasugod ang curfew las 9 sa gab-i tubtub las 4 sa kaagahon. Suno kay Malones, pangitaan sang police sang ID ang mga tawo nga nagalagaw sa amu nga oras. Gin-athag sang alkalde nga may mga exceptions sa curfew kapareho sang mga empleyado nga nagapauli halin sa syudad apang pangitaan gihapon sang ID. Ginbaton naman ni Malones nga para sa kaayuhan sang mga pumuluyo ang ginapatuman nga curfew. Magalawig sa isa ka bulan ang pagpatuman sang curfew. Suportado sang mga punong barangay sa banwa ang tikang sang kapulisan kasunod sang insidente. (JoMaque)