26 ka taga-Mindanao, temporaryo nga ginhold sang mga police sa Molo

Iloilo City — Ginpangitaan sang IDs and iban pa nga documents ang 26 ka tawo nga nakita nga nagalagaw-lagaw sa Molo kahapon. Suno kay PO3 Marion Asparo sang Molo Police Station, nakapakita man sang IDs ang grupo. Gin-ako sang pulis nga na-alarma sila gani gin-istrikto ang pagcheck sa mga IDs kag wala man sang nakita nga makaduluda. Pa-athag naman ni Justin Andre Magalang, nagabaligya ang ila kompaniya sang LPG safety device kag may ara sila nga branch sa Iloilo. Nag-selebrar sila sang anibersaryo gani nga nagkadto diri. Nagbiyahe sila sa Boracay kag nag-landtrip sa Antique antes nagbalik sa Iloilo kaina sang hapon. Mangita kuntani sila sang boarding house nga tulugan pero ginpakamaayo nga magkadto sa police station kag mangayo sang police clearance. Mabalik man suno kay Magalang ang ila grupo sa CDO. (JoMaque)