Implementasyon sang Speed Limit Ordinance, temporaryo nga ginsuspender

Iloilo City — Temporaryo nga isuspender ang implementasyon sang speed limit ordinance samtang wala pa na-aprubahan ang ginduso nga amendment Councilor Joshua Alim.

Ginduso ni Alim ang pagsuspender sang ordinansa bisan pa una nga ginpahayag nanday Councilors R Leone Gerochi, Mandrie Malabor kag Ely Estante nga indi na ini kinahanglan. Ginrason ni Alim nga bilog nga ordinansa ang iga-deliberate kag indi lang probisyon gani mas maayo nga isuspender ang implementasyon.

Gin-aprubahan sang konseho ang ginduso nga ordinansa ni Alim nga magasuspender sang speed limit kag ginrefer sa Committee on Transportation ang pagtalakay sang amendments. (JoMaque)