LGU sang Lemery, nagapanghanda sa posible NPA attack

Lemery, Iloilo–Nagtigana ang local government unit sang pondo nga ibakal sang mga bala para gamiton sang ila mga pulis.

Ginkonfirmar ni Mayor Ligaya Apura nga P30,000 ang ila ginpa-una nga budget kag ginhatagan sang otoridad ang hepe sang police station agud magbakal sang bala. Mahimo man suno kay Apura nga mabakal sila sang mga armas kon kinahanglan.

Ginpa-athag sang alkalde nga preparasyon ini sang LGU bangud isa ang ila banwa sa mga lugar nga may sightings sang New Peoples Army.

Sang Domingo, ginsalakay sang NPA ang Maasin Police Station kag nadala palagyo ang mga armas kag iban pa nga kagamitan sang mga pulis. (AGB)