3 ka menor-de-edad, pilason sang gintiro sang riding-in-tandem sa LaPaz

Iloilo City — Tatlo ka menor-de-edad ang pilason sang gintiro sang riding-in-tandem sa covered gym sang Rizal, LaPaz kaina sang kaagahon. Nagatindog sa covered gym sanday alyas Bunso, 14; alyas Jeffrey 17; kag alyas Boyboy, 13-anyos sang ginpalapitan sang suspek nga ginpahayag menor-de-edad man. Narecover sa crime scene ang pito ka baseyo sang 45 caliber pistol kag isa ka deformed slug. Gindala sa West Visayas State University Medical Center sanday Bunso nga napilasan sa tuo nga kamut, kinatawo kag wala nga paa kag Jeffrey nga napilasan sa wala nga tiil samtang gindala si alyas Boyboy sa Western Visayas Medical Center nga naigo sa tiyan. (JoMaque)