Ginpahayag sinindikato sa Iloilo Fastcraft Terminal sa Lapuz, imbestigaran ni Councilor Jeffrey Ganzon

Iloilo City — Imbestigaran ni Councilor Jeffrey Ganzon ang ginareklamo nga sinindikato sa Iloilo Fastcraft Terminal sa Lapuz. Sabat ini ni Ganzon bilang chairman sang Committee on Police Matters and Public Safety sang city council sa kahangawa nga maapektuhan, indi lang ang negosyo kundi ang publiko, turismo kag imahen sang syudad. Suno kay Ganzon, dapat nga masolusyunan sang temprano ang ginpahayag illegal nga aktibidad sa terminal. Magapadala si Ganzon sang sulat sa Port Manager sang Philippine Ports Authority (PPA) agud hingyuon nga solusyunan ang amu nga problema. Nabalaka si Ganzon bangud makabig nga vital installation ang mga pantalan gani dapat may yara sang hugot nga seguridad. (JoMaque)