PECO Corporate Communications Officer, nanginwala nga naga-lobby agud amendaran ang Meter Reading Card Ordinance

Iloilo–Ginpanghiwala ni PECO Corporate Communications Officer Mikel Afzelius nga naga-lobby sila sa mga konsehal para amendahan ang Meter Reading Card Ordinance ni Councilor Joshua Alim.

Sa pagkamatuod suno kay Afzelius, ginplastar lang nila ang pila ka programa sang kompaniya nga ipatuman sa barangay level kag ginpakita ang improvements sang PECO sa nakaligad nga pito ka tuig. Katuyuan sini suno sa iya nga masolusyunan ang meter reading issue sa kabaranggayan.

Gin-athag ni Afzelius nga handa sila nga ipatuman ang ordinansa ni alim kun manduan sang energy regulatory commission apang ang ERC man sadtu suno sa iya ang nagmandu sa ila nga indi pag-i-implementar.

Ini ang rason kun ngaa nagahalong sila kun ipatuman ang ordinansa gani nagpaathag sila kay Mayor Jed Patrick Mabilog kag sa mga konsehal. (AGB)