January 25, 2022

Mga security guards nga na-assign sa parking area sang Iloilo Fastcraft Terminal, gin-relieve

Read Time:1 Minute, 4 Second

Iloilo City — Ginrelieve ang lima ka security guards sang Lockheed Security Agency nga na-assign sa parking area kag exit gate sang Iloilo Fastcraft Terminal sa Lapuz. Kasunod ini sang mga reklamo nga hungod ginapakupusan ang goma sang mga salakyan nga gina-park sa compound sang terminal. Suno kay Rodel Lagmay, supervisor sa fastcraft terminal, ginpangayuan sang paathag ang mga gwardya kag nagsugod naman ang imbestigasyon sa pagpanguna ni Port Police Chief Emmaniel Jorlina. Sa impormasyon nga nakalab-ut sa Aksyon Radyo Iloilo, ang ginrelieve nga mga gwardya nga ginsaylo sa Fort San Pedro kag Loboc International Port amo sanday Jethro Gabrido, Reynel Millama, Richard Colocar, Rey Sobrevega kag Bonnie Clarin.

Una na nga ginbuyagyag ni Libertad Lapuz punong barangay Sumakwel Nava nga may sinindikato nga nagakatabu sa parking area sang fastcraft terminal kag ginatudlo nga kakunsabo ang mga gwardya. Multahan naman sang Security Agencies and Guards Unit ukon SAGU ang Lockheed Security Agency bangud wala gilayon nagpasa sang incident report sa mga insidente sa fastcraft terminal. Suno kay SPO2 Ronnie Saldevia, imbestigador sang SAGU, nagpadala na sila sang sulat sa Lockheed agud magpasa sang incident report. Padal-an man sulat ang PPA agud magpangayo sang investigation report sa natabu. Ginpa-athag ni Saldevia nga mandatory ang pagsumiter sang incident report sa SAGU. (JoMaque)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Balay sa Bitoon Jaro, nasunog
Next post Bangkay sang lapsag, nasapwan nga naga-utaw-utaw sa irigasyon sa Dingle