Pagatukuron nga bag-o nga Freedom Grandstand, indi na makahingagaw sa Dinagyang 2018–Mayor Mabilog
Iloilo City–Indi na makahingagaw sa 2018 Dinagyang ang itukod nga bag-o nga Freedom Grandstand nga nagabalor 50 million pesos.
Suno kay Mayor Jed Patrick Mabilog, maka-akomodar sang 800 tubtob 1000 ka tawo ang bag-o nga Grandstand nga maga-atubang sa Iloilo River. Posible nga 2019 matapos ang proyekto suno sa alkalde.
Plano man nga magtukod sang 50M pesos nga multi-purpose building sa likod sang Grandstand nga mangin opisina sang ICUPAO, ICER kag Tourism Gallery. (AGB)