Asawa sang mataas nga opisyal sang pulis, ginpahayag nabiktima man sang pagpakupos sang goma sang salakyan sa Iloilo Fastcraft Terminal

Iloilo City — Nabiktima man nga nakupusan sang goma ang salakyan sa Iloilo Fastcraft Terminal sa lapuz ang asawa ni Senior Supt. Louis Garong.  Gin-athag ni Mrs. Myra Garong nga tatlo ka bulan na nga natabu ang insidente pero naguwa siya matapos nabatian sa Aksyon Radyo Iloilo nga madamo ang nagreklamo kag naka-experyensya nga nakupusan ang goma sang salakyan. Suno kay Mrs. Garong, ginbilin nila ang salakyan sang nagpa-Bacolod pero nagbalik man pagkahapon. Nagapati si mrs garong nga ginpakupusan sa fastcraft terminal ang goma. Wala sang iban nga damage ang goma suno kay Mrs. Garong.  Si Mrs. Garong ang ikawalo na nga nagpabalo sa Aksyon Radyo Iloilo sang ila experyensya sa fastcraft terminal. Ginpa-imbestigaran na sang Philippine Ports Authority ang kontrobersiya. (JoMaque)