Proposed Septage Management Ordinansa sa Syudad, indi pa mapasar suno kay Councilor R Leone Gerochi

Iloilo City — Indi pa mapasar ang proposed Septage Management Ordinance bangud sang mga amendments nga ginpresentar sa committee hearing. Suno kay Councilor R Leone Gerochi, ginadiskusyunan pa kon ano ka dugay ang transition period antes lubos nga ma-implementar ang proposed ordinance. Gin-athag sang konsehal nga indi dali-dali ma-isyuhan sang citation ticket ang mga pumuluyo nga wala sang septic tank sa balay kon mapasar na ang ginaduso nga ordinansa.        Gin-ako ni Gerochi nga indi makasarang ang syudad sa paghatag sang pondo para sa communal septic tank pero mahimo nga mapangitaan sang paagi sa bulig sang non-government organizations. (JoMaque)