Welder sa City Proper, dakup sa buy bust operation

Iloilo City — Nadakpan ang welder sa drug buy bust operation sang Police Station 1-Drug Enforcement Team sa City Proper kagab-i. Suno sa team, nabaklan si Reneo Bacolod, 38-anyos sang Veterans Village City Proper sang isa ka sachet sang suspected shabu kag nakuhaan pa gid sang dugang nga tatlo ka sachets. Narecover man sa iya ang 700 pesos nga buy bust money. Gin-aresto man ang trisikad driver nga si Randy Dela Cruz, 40 anyos sang Poblacion East Oton sa separado nga buy bust operation. Nakuha kay Dela Cruz ang lima ka sachets sang suspected shabu kag 800 pesos nga buy bust money. (JoMaque)