2 pilason sang ginpangwasay sang lalaki nga ginapatihan may deperensiya sa paminsaron sa Sigma Capiz!

Capiz — Duha pilason sang ginwasay sang ginpahayag may deperensiya sa paminsaron sa Barangay Mangoso Sigma, Capiz. Gindala sa ospital sanday Eduardo de Pedro kag Elmer Casugbo, 45-anyos, trisikol driver pagkatapos ginwasay ni Renente Arboreda sang amo man nga lugar. Ginpahayag nga una ginwasay sang suspetsado si de Pedro pagkatapos si Casugbo. Dal-on kontani ni Casugbo sa ospital si de Pedro sakay sa iya trisikol sang ginlagas pa ni Arboreda kag ginwasay si Casugbo.Nakaguwa na si de Pedro sa ospital nga napilasan sa tuo nga paa kag tuo nga kamut samtang ginabulong gihapon sa ospital si Casugbo nga napilasan sa likod. (NemesioMartirez)