Mga konsumedor sang ILECO 1, nagwangal matapos naglapaw sang 12 ka oras nga advisory ang brownout

Iloilo — Nagwangal ang mga konsumedor sang ILECO 1 kag Guimelco matapos naglapaw sa 12 ka oras nga advisory ang brownout kahapon. Pa-athag ni ILECO 1 General Manager Rhea Palacios, wala sang problema ang ila mga linya.  Ang National Grid Corporation of the Philippines ukon NGCP suno kay Palacios ang nagpadala sang advisory nga may maintenance activities sila halin alas-5 sa aga tubtob alas-5 sang hapon kahapon. Manug-alas-5 sang hapon, liwat nga nagpadala sang advisory ang NGCP nga naga-extend sang maintenance work tubtob alas-6 sa gab-i.  Pero sang wala gihapon nagbalik ang elektrisidad, nagpabalo ang NGCP paagi sa ila Communications Officer nga si Michelle Vicera nga may nakita ang ila linemen nga kinahanglan kaayuhon sa Sta Barbara Substation gani gintapos na lang agud indi na makatuga sang dugang nga problema. (JoMaque)