Taxi kag auto nagbunggu-anay sa Pavia, 5 pilason

Iloilo City — Lima ang gindala sa ospital matapos nagbunggu-anay ang taxi kag vios sa circumferential road sa ungka dos Pavia kahapon. Ginkilala ang mga pasahero nga maestra kanday Mary Jane Paguntalan, 45 sang Miagao nga may pilas sa agtang kag fractured ang tuo nga butkon; Ivy Nuno, 45 sang Miagao nga may pilas sa agtang; Ma. Teresa Palmos, 48 sang Miagao kag Rosalie Legazpi, 48 sang Miagao nga nagapanalakit ang lawas.  Gindala sa lain-lain nga ospital sa syudad ang apat. Gindala man sa ospital ang driver sang taxi nga si Flordesito Eqondo sang inangayan santa barbara nga naipit sa driver’s seat antes narescue.  Wala naman nasamaran ang driver sang vios nga si Brian Vitancor nga ginhold sang Pavia Police Station.  Suno kay traffic officer Ralph Sorial, nag-overtake ang vios sa isa ka salakyan pero nabungguan ang nasugata nga taxi. (JoMaque)