Mga barangay officials sa syudad, ginpahanumdom sang PRO 6 nga indi magdali sa pagdeklarar sang ila barangay nga drug-cleared

Iloilo City–Ginpahanumdom ni Police Regional Office ukon PRO 6 spokesperson PSUPT Gilbert Gorero ang mga barangay officials nga indi pagpiliton ang pagdeklarar nga drug cleared sa ila barangay.

Suno kay Gorero, may mga barangay officials nga nagpabutyag nga halos na-comply na nila ang tanan nga requirements sang Dangerous Drugs Board apang nakita nga kulang pa ang mga ginhiwat nga mga aktibidad sa ila lugar.

Kun wala ginsunod ang proseso kag madeklarar nga drug cleared ang barangay, mabalik lang ang problema suno kay Gorero.

Ginpa-athag ni Gorero nga may huridiksyon ang Regional Oversight Committee sa drug-clearing nga mag-revoke sa drug cleared certification kun indi sila kumbinsido. (AGB)