January 27, 2022

Karsada nga naapektuhan sang landslide sa Buga Igbaras, malabayan na sang magagmay nga salakyan suno sa DPWH

Read Time:36 Second

Igbaras, Iloilo — Mahimo na nga malabayan ang natiphag nga karsada sa Barangay Buga, Igbaras. Ginkonfirmar ni Engr. De Jaime Uriarte sang DPWH 1st District Engineering Office nga natapos nila kahapon sang hapon ang detour road. Apang magagmay nga mga salakyan lang ang mahimo nga makalabay pareho sang motorsiklo, tricycle kag awto. Suno kay Uriarte, isa ka lane lang ang naobra nga detour road.

Ginabanta 100 ka metros ang kalabaun sang karsada nga natiphag sang biernes sang hapon bangud sang sige-sige nga pag-ulan. Ginpaathag naman sang head sang Municipal Disaster Risk Reduction and Management Office Engr. Wilfredo Delgado nga landslide prone ang lugar base sa inspection sang Mines and Geosciences Bureau. Sang Abril lang, natiphag man ang pareho nga dalan. (JoMaque)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Lalaki nga ginatudlo nanglagas sang kutsilyo sa Arevalo, ginpaaresto
Next post Pintor, patay sang ginbuno kag ginmartilyo sang mag-utod sa Dumangas