Tricycle driver, gintiro sang kapareho nga tricycle driver sa Barotac Nuevo

Barotac Nuevo, Iloilo — Gindala pa sa ospital ang 44-anyos nga tricycle driver apang napatay matapos gintiro sang kasubong nga tricycle driver sa Ilaud Poblacion, Barotac Nuevo. Suno kay Police Chief Inspector Raymond Celoso, hepe sang Barotac Nuevo Police Station, may pilas sa tiyan kag wala nga kamot ang biktima nga si Felix Ayroso sang Barangay Cruz sang amu nga banwa. Gilayon naman nga nagpalagyo ang suspetsado nga si Joel Casumpong Sr, 48-anyos kag temporaryo nga naga-istar sa Barangay Agcuyawan Calsada, Barotac Nuevo. Base sa imbestigasyon sang Barotac Nuevo police, may daan nga hiligutanun ang biktima kag suspetsado. Nagtuyo si Ayroso nga bun-on kuntani si Casumpong sang nagligad nga tuig matapos sini aksidente nga nahakus ang asawa sang biktima suno kay Celoso.Naka-inom ang suspetsado sang natabo ang pagpangtiro base sa panaysayun sang mga witness. Ginapatihan revolver ang gingamit sang suspetsado nga naaresto sa follow-up operation sang Barotac Nuevo police. (JoMaque)