Lalaki nga gintudlo nagpangawat sang manok sa Sara, patay sang gintiro sang tag-iya

Sara, Iloilo–Patay ang lalaki nga gintiro matapos gintudlo nga nagpangawat sang mga manok sa Barangay Tentay kahapon sang aga.

Gin-ako ni Eddie Cordero, 61-anyos, nga gintiro niya ang biktima nga si Raymond Santiago nga naigo sa likod. Suno kay Cordero, natukiban niya sa abandonado nga balay ang walo niya ka hulo nga manok kag nakita nga si Santiago ang nagsulod agud magkuha sang mga manok gani iya gintiro.

Suno sa bata ni Cordero, Sabado sang gab-i sang nagsulod sa ila uma ang tatlo ka wala nakilala nga mga lalaki kag ginkawat ang mga manok apang ginpabay-an niya na lang bangud armado ang mga suspek.

Nagsurrender sa Sara police si cordero Cag natalana nga kasuhan sang murder suno sa hepe nga si PCINSP Ronnie Brillo. (AGB/AT)