“Wala na sang illegal gambling”

Wala na sang naga-egsister nga illegal gambling sa rehiyon magluwas lang sa distrito sang Jaro, Iloilo City.

Pahayag ini ni Deputy Regional Director for Operations PSSUPT Jesus Cambay, chairman sang regional oversight committee sa illegal gambling, matapos nagtakup kahapon ang ultimatum ni PNP Chief Director General Ronald Dela Rosa sa mga pulis nga pa-untaton ang illegal gambling sa ila area. Suno kay Cambay, gin-certify sang mga chiefs of police nga wala na sang illegal gambling lakip ang STL bookies sa ila nasakupan tubtob sang Agosto 7, 2017.

Ang deputy chief lang sang Jaro Police Station nga si PINSP Arnel Bigcas ang nag-ako nga may problema sila sang illegal gambling. Ginrekomendar ni Cambay ang pag-relieve kay Bigcas.

Ginpasiguro naman ni Cambay nga sige ang ila anti-gambling operations bisan natapos na ang ultimatum ni Dela Rosa. (AGB)