Taxi driver kag call center agent, dakup sa buy bust operation sa Mandurriao

Iloilo City — 22 ka sachets sang suspected shabu ang narecover sa taxi driver kag call center agent nga nadakpan sa buybust operation sa Bolilao Mandurriao kagab-i. Ginkilala ang subject kay Fermin Paulo Rodriguez nga call center agent kag Oswald Carl Shariff Escudero nga driver sang Rouen and Jan taxi. Preso ang duha sa Molo Police Station bisan pa sa Bolilao Mandurriao ginhimo ang operasyon. Ini bangud nahimo ang operasyon sang Regional Drug Enforcement Unit kag Molo Police Station-Drug Enforcement Team. Nagbalibad ang duha ka nadakpan nga magpa-interview. Natalana sila nga pasakaan sang kaso buwas. (JoMaque)