Drug courier ni PDEA identified drug group leader Richard Prevendido, dakup sa buy bust operation sa San Rafael

Iloilo — Arestado ang drug courier ni Philippine Drug Enforcement Agency ukon PDEA-identified drug group leader Richard Prevendido sa buy bust operation sa Barangay Calaigang, San Rafael kagab-i. Suno kay Provincial Drug Enforcement Unit Supervisor Police Chief Inspector Charlie Sustento Jr., nakuhaan ang subject nga si Ruel Deocampo alyas “Kan”, 32-anyos, sang pito ka sachets sang suspected shabu,700 pesos, .38 revolver nga may lima ka bala kag 12 gauge shot gun. Dugang pa ni Sustento, si Deocampo ang ginasugo ni Prevendido nga mag-deliver sang ginpahayag illegal nga druga sa nagkalain-lain nga banwa sa probinsya. Gin-ako sang subject nga upod sila ni Prevendido sa isa ka barangay sa Dingle sang damlag lang apang wala nadakpan sang gin-operate sang PDEA kag Philippine Army. Preso sa San Rafael Police Station si Deocampo. (JoMaque)