Mga barangay officials nga involved sa illegal drugs, ginpanugyanan ni Mayor Jed Patrick Mabilog nga mag-untat na kag mag-surrender

Iloilo City–Ginpanugyanan ni Mayor Jed Patrick Mabilog ang mga barangay officials nga ginatudlo may kaangtanan sa illegal drugs nga mag-untat na kag magsurrender.

Ginahingyo sang alkalde ang mga barangay officials ilabe ang 10 nga ara sa listahan sang Iloilo City Police Office nga mag-untat agud indi mapareho ang kapalaran kay Rizal, Lapaz Punong Barangay Jolly Peñasales. Nadakpan si Peñasales sa buy bust operation sang nagligad nga semana pero ginpanginwala sini nga involved siya sa pagbaligya sang illegal drugs.

Mas maayo suno kay Mayor Mabilog nga magpa-idalum sa drug treatment kag rehabilitasyon ang mga barangay officials nga ara sa listahan agud ma-clear ang ila pangalan. (AGB/JV)