Mayor Jed Patrick Mabilog, nagpabutyag sang padayon nga suporta sa anti-illegal drugs campaign ni Presidente Rodrigo Duterte

Iloilo City— Ginpabutyag ni Mayor Jed Patrick Mabilog nga padayunon niya ang mabaskog nga suporta sa kampanya kontra illegal nga druga ni Presidente Rodrigo Duterte.

Ini kasunod sang pahayag ni Duterte nga may mayor sa Western Visayas nga nagapatinlo-tinlo sa kaangtanan sa illegal nga druga.

Suno kay Mabilog, ginahatag sang city government ang mga kinahanglan sang Philippine Drug Enforcement Agency ukon PDEA 6 kag Philippine National Police ukon PNP agud makabulig sa kampanya kontra illegal nga druga. (AGB)