106 ka mga traffic aides, ire-assign sa mga opisina sa city hall

Iloilo City — 106 sa 291 ka mga traffic aides ang nagapang-edad sang 50 pataas ang natalana nga ibutang sa mga opisina sang city hall  imbes nga sa dalanon. Nagapang-edaron sang 66 ang pinakatigulang nga traffic aide samtang 21 naman ang pinakabata.  Suno kay TMTRO head Bob Foerster, maayo man para sa mga tigulang nga mga traffic aides ang ibutang sa mga opisina bangud kun yara sila sa dalanon, expose sila sa init kag ulan.  May plano man ang TMTRO nga hatagan sang exam ang mga traffic aides nga nagapang-edaron 50 panubo agud mahibaluan kun pamilyar sa mga ordinansa sa dalanon. (JoMaque)