Mag-utod nga manug-ihaw sa City Proper, dakup sa buy bust operation

Iloilo City–Dakup sa buy bust operation ang manug-ihaw sa General Hughes, City Proper kaina sang hapon.

Nadakpan sang mga operatives sang Police Station 1 sanday Ricardo Barrido, 35-anyos, kag Rodel, 33-anyos. Na-recover sa mag-utod ang 14 ka sachets sang suspected shabu kag 500 pesos nga buy bust money. Pero nanginwala ang mag-utod nga nagabaligya sang illegal drugs.

Gin-ako naman ni Rodel nga nakagamit siya sang una sang illegal drugs pero nag-untat na. (AGB)