NBI VI NAGSULOD SA BALAY NI MAYOR JED PATRICK MABILOG PARA SA LIFESTYLE CHECK

Iloilo City – Nagpasugot si Mayor Jed Patrick Mabilog nga magsulod ang taga-National Bureau of Investigation VI sa iya balay sa Barangay Tap-oc, Molo.

Suno kay Atty. Mark Piad, abogado kag spokesman ni Mabilog, nagpabutyag sang kahanda ang alkalde nga buksan ang iya balay para sa lehitimo nga law enforcer nga nagahimo sang iya trabaho.

Apat ka taga-NBI VI ang nagpadulong sa balay ni Mabilog kahapon kag nagkuha sang mga litrato suno kay Piad.

Natabu ini matapos ang pahayag ni Presidente Rodrigo Duterte nga ipa-lifestyle check niya si Mabilog. Natabuan nga wala si mabilog sa iya balay bangud may official travel siya sa Japan gani ang utod sini nga si Jv Mabilog ang nag-atubang sa NBI personnel.

(ATT)