(UPDATE) Kahalitan sa sunog sa duha ka barangay sa Mandurriao, ginabanta sa P10 million

Iloilo City–Ginabanta sa 10 milyones pesos ang balor sang kahalitan sa sunog sa Barangay  Bolilao kag Barangay Bakhaw, Mandurriao kahapon suno sa Bureau of Fire and Protection.

Base sa imbestigasyon sang BFP, naghalin ang sunog sa napabay-an nga niluto. Ginatudlo nga naghalin ang sunog sa balay ni Jona Pasigna-signa sang Brgy. Bolilao apang ginpanginwala naman ini sang bata sang natundan.

Base sa report sang City Social Welfare and Development Office, 56 ka balay ang nasunog sa Bakhaw, 51 diri ang naupos gid samtang partially damaged naman ang lima ka balay. Sa Bolilao, 30 ka balay ang totally damaged kag 6 ang partially damaged.

Nagabaton sang anuman nga bulig ang mga nasunugan sa duha ka barangay. (AGB)