Kano, patay sa aksidente sa Miaga-ao!

Miagao, Iloilo–Patay ang 54 anyos nga Americano matapos nabungguan sang jeep ang iya ginamaneho nga motorsiklo sa Barangay Igtuba kaina sang aga.

Suno kay PCINSP Norlan Perante, hepe sang Miagao Police Station, nagasundanay ang motorsiklo nga ginamaneho ni Mateo Movillon, temporaryo nga residente sang Baybay Sur, Miagao, kag ang jeep nga ginamaneho ni Rommel Nagrit, 38 anyos sang Anini-y, Antique.

Base sa imbestigasyon sang Miagao police, gulpi nag-u-turn ang motorsiklo gani nabungguan sang jeep. Gindala pa sa ospital si Movillon pero napatay bangud sang pilas sa ulo. (AGB)