(UPDATE) Agi nga suspek sa pag-abuso kag pagpatay sa 15-anyos nga solterito sa Balasan, nadakpan sa Estancia

Estancia, Iloilo–Sabog sa illegal drugs ang agi nga suspek sa pag-abuso nga nagresulta sa kamatayon sang 15-anyos nga solterito sa Barangay Tingui-an, Balasan.

Suno kay PCINSP Jonah Galicha, hepe sang Estancia Police Station, nag-ako si Raden Gonzales alyas Smile, 40-anyos sang Barangay Esperanza, Pontevedra, Capiz, nga nakagamit siya sang illegal drugs sang nahimo ang krimen sang nagligad nga Huwebes sang gab-i. Natukiban man nga may kaso sang pagpangawat kag child abuse si Gonzales.

Nadakpan si Gonzales matapos nagreport ang mga residente sang barangay lumbia estancua, nga may nagapanaka-saka sa ila lugar. Sang nagresponder ang mga pulis, nadakpan si Gonzales kag nakuhaan sang tatlo ka sachets sang suspected shabu kag 38-caliber revolver nga may bala. (AGB)