Bag-o nga ICPO Director. nagsugod na pangalagad

Iloilo City–Nagsugod na pangalagad sa syudad bilang director sang Iloilo City Police Office si PSSUPT Henry Biñas.

Nagcourtesy call kaina sa Police Regional Office 6 sa Camp Delgado si Biñas kag nagtambung sa staff conference. Nagpasalig si Biñas nga padayunon ang mga programa ni former ICPO Director PSSUPT Remus Zacharias Canieso nga gin-assign nga chief sang Regional Directorial Staff sa PRO 6. Mapatuman man si Biñas sang mga reporma para sa kaayuhan sang mga pulis sa syudad.

Si Biñas ang tumandok sang Barotac Nuevo kag isa man ka abogado. Siya ang director sang Negros Oriental Police Provincial Office antes ginsaylo sa ICPO.

Gin-assign si biñas sa ICPO matapos ginkanselar ang re-assignment ni PCI Jovie Espenido sa syudad. (AGB)