Balay ni Maasin Vice Mayor Francis Amboy, gin-search sang mga pulis

Maasin, Iloilo–Gin-raid sang mga pulis ang balay ni Maasin Vice Mayor Francis “Ancing” Amboy sa Mabini-Rizal Poblacion kaina sang aga.

Ginserbe sang intelligence unit sang Iloilo Police Provincial Office sa pagpamuno ni Chief Inspector Jonathan Pinuela ang search warrant sa mga pusil ni Vice Mayor Amboy apang wala sila sang may nakita. Suno kay Amboy, gin-surrender na niya sa Maasin police ang iya 9mm matapos ginhingadlan ni Presidente Rodrigo Duterte nga drug protector sang nagligad nga tuig.

Nanginwala man si Amboy nga ginatago niya ang wanted nga si Ernesto Bolivar alyas Erning nga sub-group leader sang napatay nga si PDEA identified drug lord Richard Prevendido.

Ginpahayag ni Amboy nga indi niya kilala si Bolivar. (AGB)