Preparasyon para sa barangay kag SK elections, nagapadayon suno sa City Comelec

Iloilo City — Padayon ang preparasyon sang city comelec para sa Barangay kag Sangguniang Kabataan elections. Pahayag ini ni Mr. Jonathan Sayno sang City Comelec samtang nagahilapit ang eleksyon nga natalana sa Oktubre 23. Suno kay Sayno, ginasunod nila ang ila calendar of activities bisan pa nga aprubado na sa kamara ang hagna nga magapa-isol sang barangay kag SK election sa mayo sa masunod nga tuig.  Wala man sang mandu halin sa central office suno kay Sayno agud nga mag-untat sila sang mga preparasyon. Wala pa nakapasar sang hagna ang senado sa ila version sang postponement.  Magasugod sa Setyembre 23 tubtob 30 ang filing sang certificate of candidacy sa mga luyag magpadalagan sa barangay kag SK elections samtang sa Oktubre 13 tubtob 31 ang campaign period. Ipatuman naman ang prohibited acts sa Setyembre 23 tubtob Oktubre 30 nga amo ang election period. (JoMaque)