Source sang listahan sang ginpahayag involved sa illegal gambling sa probinsya nga ginturn over ni BM Domingo Oso, imbestigaran sang IPPO

Iloilo — Imbestigaran sang Iloilo Police Provincial Office kon diin naghalin ang listahan sang ginpahayag mga involved sa illegal gambling sa probinsya nga ginturn over ni Board Member Domingo Oso kay IPPO Director Marlon Tayaba. Suno kay Tayaba, indi lang mga pangalan nga nalista sa duha ka pahina nga papel ang ila i-verify kundi source bisan pa nga ginsugid ni Oso nga ginduhol lang ini sa iya. Wala ginadula ni Tayaba ang posibilidad nga pagpangguba lang ang tuyo sang naglista bangud may mga pangalan nga ginpanas sa papel. Nakabutang suno sa Tayaba sa listahan ang pangalan sang mga ginpahayag nga financiers, protector kag bangka sang illegal gambling. (JoMaque)