Acting City Mayor Joe Espinosa III, mabutang sang information box sa city hall agud mahibaluan kun sin-o nga mga empleyado ang involved sa illegal drugs

Iloilo City — Mabutang sang suggestion ukon information box si acting Mayor Joe Espinosa III sa lobby sang city hall agud hulugan sang pangalan sang ginapatihan drug user nga empleyado.   Gin-anunsyar ini ni Espinosa sa flag raising ceremony sang mga empleyado kahapon. Suno sa iya, ipa-validate niya ang impormasyon kag imbitaron ang empleyado nga magpa-drug test sa City Health Office.  Ang tikang ginhimo ni espinosa kasunod sang pagkadakup sa isa ka empleyado sang ICAST sa buybust operation sa Arevalo sang Setyembre 13.  Ginmandu man ni Espinosa ang pag-conduct sang on the spot drug testing sa mga empleyado sa city hall.   Gin-anunsyar man ni Espinosa ang paghatag sang P10,000 nga city assistance for anti-drug campaign sa kada police station nga kabahin sang kampanya kontra illegal nga druga sang syudad. (JoMaque)