Agi nga ginreklamo naghurikap sa taxi driver, ginpapreso

Iloilo City — Preso ang 51-anyos nga agi nga ginreklamo naghurikap sang taxi driver.  Suno sa driver nga si Robert, 42 anyos, nagsakay sa iya unit ang hubog nga si alyas Tito, nagatrabaho sa call center sa Mandurriao kag nagpadul-ong sa Duran Street City Proper. Nakibot ang tagreklamo sang gintandog ni Tito ang iya manoy.  Suno sa driver, makapila gid ka beses nga ginhurikap siya sang pasahero kag nagpamahog pa ini nga ipasapote siya sa Duran. Bangud sini, ginhapit sang driver sa police station ang pasahero nga todo panghiwala naman sa akusasyon sa iya. (JoMaque)