22-anyos nga dala sa Ajuy, ginpahayag puwersa nga ginkuha sang duha ka armado nga lalaki sa sulod sang ila balay

Ajuy, Iloilo — Ginsulod sang duha ka armado nga lalaki ang balay kag ginkuha ang 22-anyos nga babaye sa Sitio Casamata Barangay Central, Ajuy subong nga gab-i. Ginkilala ni Chief Inspector Charlie Sustento, hepe sang Ajuy Police Station ang babaye kay alyas Era. Suno kay Sustento, nagalantaw sang telebisyon ang biktima upod sa iya ginikanan kag mga kauturan sang nagsulod ang duha ka suspek nga armado sang ginpasuni malagba nga pusil. Ginpilit sang mga suspetsado ang dal-on ang biktima kag ginhambalan ang ginikanan sini nga magkooperar na lang agud wala sang may malain nga matabu sa ila bangud “BAYAD” naman ang dalaga. Nagsakay sa motorsiklo ang mga suspetsado kaupod ang biktima kag naghambal nga ibalik lang ang dalaga. Sa initial nga imbestigasyon ni Sustento, may naka-relasyon nga negosyante ang biktima sa diin natukiban ini sang asawa sang iya ka-relasyon kag amo ini ang ginasunod nga motibo sa insidente. (JoMaque)