PDEA 6 Director Wardley Getalla, nagahingyo sang bulig sa publiko agud matudlo kag madakpan ang mga nagbulos sa illegal drug trade sang Odicta kag Prevendido Drug Groups

Iloilo City — Nagahingyo si PDEA 6 director Wardley Getalla sang bulig sang publiko agud matudlo kag madakpan ang mga nagbulos sa illegal drug trade pagkatapos nga napatay sanday identified drug group leaders Melvin Odicta kag Richard Prevendido.   Indi malikawan suno kay getalla nga may mabulos kon mapatay nga drug group leader gani nga ila ginatutukan ang mga tinawo sang duha ka napatay.  Ginpahayag ni Getalla nga may ginasundan na sila nga mga personalities sa Odicta Drug Group. Gina-imbestigaran naman kon sin-o ang nagbulos kay Prevendido nga napatay sang damlag lang sa police operation sa Balabago, Jaro. (JoMaque)