Pagpangimon, ginapatihan rason sang pagpanginmatay sang 17-anyos nga lalaki

Oton, Iloilo–Patay ang 17 anyos nga lalaki nga nagbitay sang iya kaugalingon sa ila balay sa Oton kaina sang aga.

Nasapwan si alyas Cedie nga nagabitay gamit ang duyan nga human sa lambat.

Suno kay PO2 Maria Elena Dominguez sang Oton Police Station-Women and Children Protection Desk, nagpangimon si Cedie sa iya 18 anyos nga live-in partner antes siya nasapwan. May isa ka tuig nga bata ang mag-live-in partner. (AGB)