January 23, 2022

Punong Barangay sa Sara, ginserbihan sang search warrant matapos gin-angut sang police sa crime group

Read Time:47 Second

Sara, Iloilo—May napakita nga papeles ang punong barangay sang Zerrudo, Sara nga nagapakita nga legal nga 9mm pistol nga nakita sa ila balay sa raid sang Provincial Drug Enforcement Unit Team 3 kaina sang aga.

Suno kay PCI Charlie Sustento, hepe sang Ajuy Police Station kag team leader sang raiding team, may nakita man nga mga bala kag magazine sang 9mm kag tatlo ka magazine sang m16 rifle. Ginpa-athag ni Punong Barangay Manuel Agutaya nga nadula sang paglaslas sang Bagyo Yolanda sang 2013 ang iya m16 rifle pero sang nagligad nga bulan lang ini napa-blotter suno kay Sustento.

Padayon naman ang pagmonitor sang mga pulis sa punong barangay matapos gin-angut siya sa crime group sa Northern Iloilo suno kay Sustento.

Suno naman kay PSI Gilbert Baldevarona, hepe sang Sara Police Station, wala sila sang impormasyon nga involved sa crime group ang kapitan kag wala man sang record sa police station. (AGB)

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post LOOK: Aksidente sa Hibao-an Norte, Mandurriao
Next post Judge Ofelia Artuz sang MTCC Branch 5, gindismiss sang Korte Suprema