Lalaki, gin-atake sa corazon sa sulod sang Lodge sa Lapaz

Iloilo City — Gin-atake sa corazon ang customer nga lalaki sang Anita Lodge sa Lapaz kahapon.  Ginkonfirmar sang taxi driver nga si alyas Toto nga ginkarga sa iya unit ang naka-briefs lang nga si alyas Manoy, ginabanta 50-anyos. Ginhambal ni alyas Lyn nga kaupod ni Manoy nga bag-o lang sila nag-abot sa Room 31 sang gulpi nga natumba ang lalaki.  Suno sa babaye nga ginabanta naga-edad sang 30 tubtob 35 anyos, halin sila sa SM City kag nagdesisyon nga makadto sa lodging house agud magpabugnaw.   Gindala sa Iloilo Doctor’s Hospital ang lalaki. Wala pa sang update sa medical status ni Manoy nga ginpahayag nga taga-Sara. (JoMaque)