Concern ni Mayor Jed Mabilog sa seguridad, wala pa nakalab-ut kay PRO 6 Director Cesar Hawthorne Binag

Iloilo City — Wala pa nakalab-ut kay Police Regional Office 6 Director Cesar Hawthorne Binag ang concern ni Mayor Jed Patrick Mabilog sa iya seguridad.  Suno kay Binag, katapusan nga nagpadala sang text message sa iya si Mabilog sang napatay si PDEA identified drug lord Richard Prevendido nga nagapanginbulahan sa mga puliNatabu ini antes ang official travel sang alkalde sa Japan kag Malaysia kag pagfile niya sang sick leave sang nagligad nga bulan.

Gin-ako ni Binag nga nakakakadto si Mabilog sa iya opisina antes ini naglakat. Nagpangayo sang laygay si Mabilog kon paano ma-clear ang iya pangalan matapos ginlawag ni Presidente Rodrigo Duterte nga drug protector. Gin-athag naman ni Binag nga ang presidente lang ang maka-clear sa mga narco-politicians. Sa latest information, wala sang namonitor nga pamahug sa kabuhi sang alkalde suno kay Binag.

Nagahatag naman sang seguridad ang PRO 6 para kay Mabilog bisan ginmandu ni Duterte ang pagbawi sang security escort sang mga nalakip sa narco list. Suno kay Binag, nagaprovide sila sang area security sa mga pagtililipon nga ginakadtuan sang alkalde. (JoMaque)