Councilor Joshua Alim Nagdepensa Sa Gin-Author Nga Meter Reading Card Ordinance Nga Wala Sang Maathag Nga Parametro Kag Depektibo Suno Sa Legal Counsel Sang PECO

Iloilo City  – Gindepensahan ni councilor Joshua Alim ang claim ni Atty. Hans Sayno, legal council sang Panay Electric Company nga indi maathag ang parametro sang iya Meter Reading Card Ordinance.

Suno sa konsehal, gin-adoptar niya ang mga definition sa Electric Power Industry Reform Act ukon EPIRA sa iya ordinansa agud mangin maathag para sa mga konsumidor ang ila mga kinamatarong.

Gintutukan suno sa iya ni Atty. Sayno ang mga termino sa ordinansa kag ang iya judicial affiavit sa baylo nga ipaathag sa konsumidor sang PECO ang kahulugan sang Distribution Services and Open Access Rules ukon DSOAR.

Mas obligasyon sang PECO suno kay Alim magpa-intiende sa ila mga konsumidor agud malikawan ang pagkuwestyun.

Ginpabutyag sang konsehal nga bisan ang City Legal Office ang nagpaathag nga wala sang contradicition ang ordinansa kundi nagabulig pa para sa kaayuhan sang mga konsumidor.

(ATT)