BJMP District Jail sa Pototan, butangan sang signal jammer

Iloilo — Gin-aprubahan sang Provincial Peace and Order Council ukon PPOC ang resolution nga magabakal sang signal jammer agud ipahamtang sa BJMP District Jail sa Nanga, Pototan. Base sa report ni IPPO Director Marlon Tayaba sa PPOC meeting, nagapakita sa ila monitoring nga may mga transaksyon gihapon nga nagakatabu bisan pa ara na sa sulod sang prisuhan ang mga kilala nga drug personalities.

Ginpahayag ni Governor Arthur Defensor nga baklon sang provincial government ang amu nga signal jammer agud indi na makapadayon sang drug transaction ang mga high value nga inmates sa prisuhan. (JoMaque)