Councilor Joshua Alim, nagaplano magpasar sang ordinansa nga magadumili sa pagpasirado sang mga plaza sa siyudad

Iloilo City — Plano magpasar ni Councilor Joshua Alim sang ordinansa nga magadumili sa pagpasirado sang mga plaza sa syudad lakip na ang pagbaligya sang mga ukay-ukay sa lugar.  Suno kay  Alim, dapat indi pagnegosyohan ang mga plaza bangud para ini sa tanan.   Ginpaathag man sang konsehal nga dapat tubtob sa tatlo ka adlaw lang ang paggamit sang plaza kun may fair ukon pyesta.  Nagapati si Alim nga posible ginagamit lang ang mga senior citizens sa pag-negosyo sa Jaro plaza. Madumduman may ginpasar nga resolution ang city council sang nagligad nga tuig sa pagpabutyag nga indi dapat pagseraduhan ang plaza kag ginadumilian man ang pagbaligya sa lugar.

Bangud sa media?

Ginbasol ni Iloilo City Association of Community Elders, Dr. Rone Fernandez ang media nga sa iya pagpati amu ang rason kon ngaa ginpang-demolish ang mga kiosko sang ukay-ukay sa Jaro plaza. Suno kay Fernandez, ginlabugay sang media ang isyu gani naapektuhan ang mga senior citizens nga nagalaum nga mabuligan paagi sa paghatag sang mga wheelchairs kag baston. Apang suno sa iya, wala man siya sang mahimo sa mandu sang acting mayor pero mabudlay para sa iya bangud nakabayad na sang tag-P2,000 ang mga kiosko sa plaza.  (JoMaque)