Grupo sang pamatan-on, nag-rumble sa Smallville Complex Mandurriao

Iloilo City — Isa naman ka kaso sang rumble sang grupo sang pamatan-on ang nagluntad sa isa ka establishemento sa Smallville Complex, Mandurriao kaina sang kaagahun. Suno kay Security Guard Ronel Osita, naghabuyanay sang bangko ang mga pamatan-on. Suno sa isa sa mga na-involved, nagpangimon ang nakontra nila nga grupo bangud sang upod nila nga babaye. Anum ka lalaki ang ginkustodiya sang Mandurriao police lakip ang ginpahayag 17-anyos nga solterito nga lunsay tanan naka-inom. Nakapalagyo naman ang iban pa nga na-involve sa komosyon. Suno kay SG Osita, dapat bayaran sang mga nadakpan ang P15,000 nga damages sa ginabantayan nga establishemento. (JoMaque)